Pinaalalahanan ng Department of Health (DOH) ang mga “couples” na nagdiriwang ng Araw ng mga Puso ngayong taon na mag-ingat hindi lamang laban sa COVID-19 kundi maging sa iba pang sakit gaya ng human immunodeficiency virus (HIV).
Kailangang “Protektahan ang iyong sarili”.
Sinabi ni Health Undersecretary Maria Rosario Vergeire may iba pang mga sakit na maaari mong makuha kung hindi ka maingat at isa na rito ang HIV.
Ang HIV ay humahantong sa AIDS (acquired immune deficiency syndrome), isang kondisyon kung saan ang immune system ng katawan ay inaatake at nakompromiso, na ginagawang mahina ang pasyente sa mga sakit na hahantong sa kamatayan.
Tiniyak niya sa publiko na sa kabila ng pagtutok ng gobyerno sa pandemic, patuloy na tinutugunan ng DOH ang iba pang mga sakit na nakakaapekto sa mga Pilipino.
Pinaalalahanan din ni Vergeire ang publiko tungkol sa #AwraSafely, ang kampanya ng DOH at iba pang nongovernmental organizations na isulong ang kamalayan sa HIV gayundin ang mga magagamit na serbisyo para sa People Living with HIV sa bansa.
Ang “Awra,” isang malikhaing bersyon ng salitang Ingles na “aura,” ay isang salitang pinasikat sa kulturang gay ng mga Pilipino, na nangangahulugang makaakit ng atensyon, o ipakilala ang presensya ng isang tao.
