Nakapagtala ang Department of Health (DOH) ng 1,795 bagong kaso ng COVID-19, habang ang aktibong tally ay bumaba sa 16,196.
Naitala ito isang araw matapos ang naiulat na 2,001 kaso ng COVID-19 noong Biyernes.
Inihayag ng DOH na ang nationwide COVID-19 tally ay kasalukuyang nasa 4,137,440, habang ang bilang ng active infections ay bumaba sa 16,196 mula sa 16,314 noong Biyernes.
Samantala, tumaas sa 4,054,778 ang recovery tally ng bansa, habang nananatili sa 66,466 ang bilang ng mga nasawi.
Kabilang sa mga rehiyon na may pinakamataas na bilang ng mga bagong kaso sa nakalipas na dalawang linggo ay ang National Capital Region na may 8,727, sinundan ng Calabarzon na may 5,471, Central Luzon na may 2,250, Western Visayas na may 1,552, at Bicol Region na may 956.
