MANILA – Nilinaw ng Department of Health (DOH) na hindi requirement ang PhilHealth Identification Number (PIN) bago mabakunahan laban sa coronavirus disease (COVID-19).
READ: DOH clarifies that PhilHealth identification number is not a requirement for COVID-19 vaccination.
— Christian Yosores (@chrisyosores) March 30, 2021
"Only required when claiming PhilHealth benefits in cases of adverse events following immunization." | @BomboRadyoNews pic.twitter.com/vjKsa4jszX
Pahayag ito ng ahensya matapos sabihin ng Philippine Health Insurance Corporation (PhilHealth) na kailangan ng PIN sa pagpapa-rehistro ng mga magpapaturok ng bakuna laban sa COVID-19.
“The Department of Health (DOH) clarifies that PIN is not a requirement to register for and receive the COVID-19 vaccine,” ayon sa press release ng kagawaran.
Sa isang online post nitong araw, sinabi ng PhilHealth na ang PIN requirement ay batay sa nilalaman ng DOH Memorandum No. 2021-0099 o “Interim Omnibus Guidelines for the Implementation of the National Vaccine Deployment Plan for COVID-19.”
Ayon sa state-health insurer, pinapayuhan ang mga magpapabakuna na maghanda ng “unique identifier,” tulad ng PIN.
“In order to avoid delays and problems during the vaccination, we encourage our members to know and keep their PIN,” ani PhilHealth President/CEO Dante Gierran.
Dagdag pa ng opisyal, kailangan makipag-ugnayan ng non-PhilHealth members sa kanilang tanggapan para mabigyan ng PIN o marehistro.
CONTEXT: The state-health insurer earlier said that PhilHealth PIN is a "requirement prior to receiving" the COVID-19 vaccine.
— Christian Yosores (@chrisyosores) March 30, 2021
It cited DOH's Memorandum 2021-0099 that says "unique identifiers," including PhilHealth PIN, is prescribed for potential vaccinees. | @BomboRadyoNews pic.twitter.com/VV0FR5U3Di
Ayon sa Health department, kailangan lang ang presensya ng PIN kapag kumuha na ng benefit claim para sa adverse events following immunization (AEFI) o side effect dahil sa bakuna.
Maglalaan daw ng registration booths ang DOH sa mga vaccination sites para sa mga Pilipinong hindi pa miyembro ng PhilHealth.
Ito ay para makatulong sakaling may mangailangan ng AEFI benefit claim.
Sa ilalim ng Universal Health Care Act, otomatikong magiging PhilHealth member ang mga bawat Filipino citizen.
“Whether direct or indirect contributors, including dependents of contributors, indigent members, senior citizens, and persons with disability, are automatic members of PhilHealth.”
