Tinanggap na ni Nonito Donaire Jr ang paghingi ng paumanhin ng kapwa nitong Pinoy boxer na si John Riel Casimero.
Sa paghaharap ng dalawa sa isang online interview na nag-sorry si Casimero sa kaniyang koponan at mga fans na nasangkot sa palitan nila ng salita sa social media ng tinaguriang “The Filipino Flash”.
Naghingi ring kapatawaran si Casimero sa asawa at manager ni Donaire na si Rachel para matuloy na ang kanilang paghaharap.
Magugunitang nakatakdang magharap sana ang dalawa noong Agosto subalit ito ay kinansela matapos umano na bastusin sa pamamagitan ng social media ni Casimero ang asawa ni Donaire.
Ilang linggo ring nagpalitan ng “Trash talk” ang dalawa sa social media.
Hawak ni Donaire ang WBC bantamweight title habang si Casimero ay kasalukuyang WBO bantamwieght champion.
