DOTr, nagpaalala sa mga driver na iwas sa lambingan sa GF habang nagmamaneho

Nanawagan ang Department of Transportation (DOTr) sa mga magkasintahan na iwasan ang maglambingan kapag sila ay nagmamaneho.

Kasunod ito sa viral video sa internet na naglalambingan ang magkasintahan habang sila ay nasa loob ng umaandar na sasakyan at nagmamaneho.

Paalala ng ahensya na walang problema ang maglambingan pero dapat ito ay itabi muna.

Dapat aniya na ang driver ay nakatutok sa manebela at hindi sa katabing kasintahan.

Inatasan na rin ng DOTr ang Land Transportation Office (LTO) na imbestigahan ang insidente.