CAUAYAN CITY- Nasugatan ang isang lalaki matapos tumaob at masangkot sa aksidente ang minamanehong kulong-kulong sa Barangay Batal, Santiago City.
Ang kulong kulong ay minamaneho ni Zosimo Versoza Jr. 47 anyos, negosyante residente ng Mabuhay , Echague, Isabela at ang SUV ay minamaneho ni Ronilo Boiser 47 anyos, magsasaka , residente ng mataas na Kahoy, Echague, Isabela
Lumabas sa imbestigasyon ng Traffic Enforcement Unit na parehong galing sa city proper ang sasakyan at nasa unahan ang SUV na dadaan sana sa tanggapan ng BIR ngunit dahil sa hindi kabisado ng drayber ang kinaroroonan ng tanggapan ay huminto at gumilid sa harapan ng Mobile Patrol Unit upang makapagtanong.
Dahil nalagpasan na ang .nasabing tanggapan ay bumalik sa kanyang nakaparadang sasakyan si Boiser at habang nasa proseso ng pag-U-turn ay eksaktong paparating ang mabalis ang takbong kulong-kulong na nilagpasan pa ang isang tricycle na nakahinto
Dahil dito bumangga sa windshield ng SUV at tumaob ang kulong-kulong na minamaneho ng biktima.
Nagtamo naman sa sugat sa katawan ang biktima na agad dinala sa pagamutan.
Nakatakda namang mag-usap ang magkabilang panig para sa kaukulang disposisyon.
