NAGA CITY-Dead on arrival ang isang lalake sa Atimonan, Quezon pagkatapos itong ma-aksidente.
Kinilala ang biktima na si alyas Ivan, 30 anyos, residente ng Brgy. San Isidro, Atimonan, Quezon.
Sa nakuhang impormasyon ng Bombo Radyo Naga sa Quezon Police Provincial Office, alas-8 aniya ng umaga nang personal na pumunta sa Atimonan Municipal Police Station ang pamilya ng biktima upang i-report na naaksidente si alyas Ivan.
Base sa insiyal na imbestigasyon ng kapulisan, nagmamaneho aniya ang drayber sa Maharlika Highway na parte pa ng Brgy San Isidro, Atimonan papunta sa Atimonan Town Proper nang mawalan aniya ng kontrol sa kanyang behikulo ang biktima at mag-slide sa daan, rason upang magtamo ito ng injury sa kanyang ulo.
Kaagad naman aniya na dinala ang biktima sa isang ospital ngunit idineklara lang naman itong dead-on-arrival. Sa ngayon, nagpapatuloy pa ang imbestigasyon ng mga awtoridad tungkol sa nabanggit na insidente.
