Driver ng payong-payong pinagbabaril patay sa Cotabato City

CENTRAL MINDANAO-Binawian ng buhay ang isang payong-payong driver sa pamamaril sa lungsod ng Cotabato.

Nakilala ang biktima na si Haime Lumbos Guilang,24 anyos,may asawa na residente ng Purok Paraiso Barangay Rosary Heights 7 Cotabato City.

Ayon kay CCPO Police Station 2 Commander Major Amil Andungan na pauwi na sana ang biktima sa kanilang tahanan sakay ng kanyang payong-payong na motorsiklo nang bigla itong dikitan ng riding in tandem suspects at pinagbabaril gamit ang kalibre.45 na pistola.

Mabilis namang tumakas ang mga suspek patungo sa direksyon ng town proper.

Patay on the spot ang biktima nang tamaan ng bala sa kanyang ulo at likod.

Sa ngayon ay nagpapatuloy ang imbestigasyon ng Cotabato City PNP sa pamamaril patay sa biktima.