-- Advertisements --
ROXAS CITY – Patay ang 39-anyos na driver ng motorsiklo matapos aksidenteng bumangga ang motorsiklo sa isang sasakyan sa Barangay Cagay, Roxas City.
Kinilala ang biktima na si Roy Espiritu ng Barangay Ilas Sur, Dao, Capiz.
Sa inisyal na imbestigasyon ng Roxas City PNP lumalabas na binabaybay ng biktima ang daan ng mawalan ng kontrol ang minamanehong motorsiklo ni Espiritu at aksidenteng bumangga sa sasakyan na minamaneho ni Juliet Carcedo, 38, ng Barangay Liong, Roxas City.
Dahil sa impact ng pagsalpok ng motor sa sasakyan ay tumilapon ang biktima at nagtamo ng malubhang sugat sa katawan.
Kaagad na dinala sa ospital ang biktima ngunit dineklarang dead on arrival ng doktor.
