-- Advertisements --
CENTRAL MINDANAO-Patay ang isang driver sa pamamaril sa lalawigan ng Maguindanao.
Nakilala ang biktima na si Kaloy Umpal,50 anyos,may asawa,PUV driver at residente ng PC Hill Barangay Rosary Heights 1 Cotabato City.
Ayon sa ulat ng pulisya na habang namamasahero ang biktima ng kanyang townace jeep sa Barangay Awang Datu Odin Sinsuat Maguindanao ay bigla itong dinikitan ng riding in tandem suspects at pinagbabaril gamit ang kalibre.45 na pistola.
Mabilis namang tumakas ang mga suspek patungo sa direksyon ng Cotabato City.
Patay on the spot ang biktima nang magtamo ng tama ng bala sa kanyang ulo.
Sa ngayon ay nagpapatuloy ang imbestigasyon ng Datu Odin Sinsuat PNP sa pamamaril patay sa biktima.
