Dead-on-the-spot ang isang drug suspek matapos makaengkwentro ang mga otoridad sa isinagawang buy bust operation nitong Lunes Abril 12 ng madaling araw sa Catarman, bayan ng Cordova Cebu.
Kinilala ang suspek na si Joven Silong, 28 anyos at residente ng Sitio Maghaway 2, Barangay Pasil nitong lungsod ng Cebu.
Inihayag pa ng pulisya na unang nagpaputok sa kanyang baril si Silong laban sa kanilang hanay kaya ginantihan na nila ito at napatay ang suspek.
Narekober mula sa posisyon nito ang isang pakete ng hinihinalang shabu na may bigat na hindi bababa sa tatlong kilo at tinatayang nagkakahalaga ng aabot sa P20,400,000, isang kalibre .45 na pistola, at ang motorsiklong ginamit nito.
Sa ngayon, patuloy pa ang imbestigasyon ng mga otoridad upang matukoy ang grupo at supplier ng napatay na drug suspect.
