DIPOLOG CITY – Patay ang isang lalaki sa isinagawang buy bust operation ng mga otoridad sa Barangay San Vicente, Katipunan, Zamboanga del Norte.
Kinilala ang suspek na si Arbeb Cenas Batingal, leader ng isang BM 29 group at dating naharap sa kasong murder at frustrated murder.
Ayon sa report ng pulisya, pinaputukan umano ng suspek ang kanyang katransaksyon matapos matunugan na isa itong Philippine Drug Enforcement Agency (PDEA) agent dahilan na pinaputukan na rin ito ng operatiba.
Nagtamo na tama sa tyan ang suspek na agad na dinala sa pagamutan ngunit ideneklarang dead on arrival.
Nakuha naman mula sa kanya ang tatlong sachet ng pinaghihinalaang shabu, apat na sachet ng dried marijuana leaves, caliber 9mm pistol, isang hand grenade at mark money.
