Hindi isinama sa kanilang concert tour ang drummer ng US rock band na The Offspring dahil sa ayaw nitong magpabakuna laban sa COVID-19.
Sinabi ni Pete Parada na hindi siya pinayagan ng makasama ng banda sa kanilang mga gaganaping concert tour.
Paliwanag nito na pinayuhan kasi siya ng kaniyang doctor na huwag magpabakuna dahil sa mayroon itong dinadanas na rare autoimmune disorder.
Magsisimula ang US Tour ng banda sa Agosto 8 kung saan magiging mahigpit sila na pawang mga nabakunahan na laban sa COVID-19 ang papayagang manood.
Naging bahagi ng banda si Parada noon pang 2007 kung saan ilang taon na itong dumaranas ng Guillain-Barré syndrome o nagkaroon ng tama ang kaniyang nerves.
Dinapuan na rin ito ng COVID-19 noong nakaraang taon na nagkaroon ng mild symptoms.
Ilan sa mga pinasikat na kanta ng banda ay ang “Pretty Fly (For A White Guy”, “Self Esteem” at marming iba pa.
