Inilunsad ng Department of Social Welfare and Development (DSWD) ang isang homegrown digitalization program na tinatawag na Finance and Management Service – For Your Information (FMS-FYI) website.
Ang website na inilunsad ay bukas sa publiko at naglalaman ng mga mapagkukunang may kaugnayan sa pananalapi at pamamahala ng Department of Social Welfare and Development tulad ng mga anunsyo, internal auditing, meeting recordings, speeches, downloadable forms, at press releases.
Ang naturang digitalization program ay binuo ng Finance and Management Service sa tulong ng Department of Social Welfare and Development Information and Communications Technology Management Service.
Ang departamento ay optimistiko na ang Finance and Management Service – For Your Information resource site ay makakatulong sa mga internal staff at iba pang stakeholder sa pananalapi at pamamahala ng departamento.
Una na rito, ang nasabing digitalization ay bilang tugon sa direktiba ni Pangulong Ferdinand “Bongbong” Marcos Jr. na i-digitize ang mga proseso ng gobyerno sa Department of Social Welfare and Development.
