Tiniyak ni Department of Social Welfare and Development (DSWD) Secretary Rex Gatchalian ang pagpapatuloy ng Balik Probinsya, Bagong Pag-asa (BP2) program ng gobyerno.
Sinabi ni Gatchalian, na noong Agosto 31, 2,426 na sa 4,572 target na pamilya ang napagsilbihan ng DSWD ngayong taon.
Aniya, nakagamit na ang DSWD ng P1 bilyon o 29 porsiyento ng P3.5 bilyong alokasyon ng badyet ngayong taon para sa nasabing programa.
Ang BP2 ay isang bagay na nais palawakin ng DSWD upang isama ang iba pang mga uri ng mga interbensyon na magagamit sa mga pamilya na nakatira sa lansangan.
Sinabi ni Gatchalian na ang DSWD ay nagtalaga ng 60 koponan na nag-iikot sa Metro Manila na nakikipag-ugnayan sa mga pamilyang nasa lansangan.
Ang naturang programa ay ipinatupad sa pamamagitan ng Executive Order No. 114 na nilagdaan ni dating Pangulong Rodrigo Duterte noong Mayo 6, 2020 na may pangunahing layunin na matugunan ang siksikan o dami ng mga tao sa lansangan sa Metro Manila.
