CENTRAL MINDANAO – Nagsagawa na ng orientation aang Department of Social Welfare and Development XII sa mga department heads ng lokal na pamahalaan ng Pikit, Cotabato at sa Local Disaster Risk Reduction and Management Council (LDRRMC) para sa ikalawang yugto ng Kapit-Bisig Laban sa Kahirapan – Comprehensive and Integrated Delivery of Social Services (Kalahi-CIDSS) program.
Nagpahayag ng kagalakan sa pagtanggap ng naturang programa ang LGU pati na ang Sangguniang Bayan ng Pikit.
Anila, napapanahon ang Kalahi-CIDSS program ngayon dahil sa patuloy na pagharap ng bansa sa krisis na dulot ng pandemiyang COVID-19.
Ang Kalahi-CIDSS ay isa sa mga programang nasa ilalim ng Payapa at Masaganang Pamayanan (PAMANA) project ng Office of the Presidential Adviser on the Peace Process (OPAPP).
Layon nito na matulungan ang mga mamamayan ng bayan na nasa sektor ng mga mahihirap na pamilya.
Sa ngayon, pinaghahandaan na ito ng lokal na pamahalaan ng Pikit at inaayos na ang mga dokumentong kinakailangan upang masimulan na ang nabanggit na programa.
