-- Advertisements --
ILOILO CITY – Naging matagumpay na naman ang isinagawang Dugong Bombo 2020 sa bayan ng Oton sa Iloilo.
Sa eksklusibong panayam ng Bombo Radyo Iloilo kay Jafet Salinas, Coronavirus disease (COVID-19) focal person ng Oton, Iloilo, sinabi nito na ang pag-donate ng dugo ang pinakamagandang regalo ngayong Pasko lalo na at marami ang nangangailangan nito.
Nagpasalamat din si Salinas sa mga volunteer donors na pumunta sa bloddletting activity matapos marinig ang panawagan sa Bombo Radyo Iloilo.
Tiniyak din nito na nasunod ang mga minimum health protocols laban sa COVID-19.
Ang naturang aktibidad ay bunga ng pagtutulungan ng Bombo Radyo Iloilo, local government unit at Philippine Red Cross.
