-- Advertisements --
Aabutin pa raw ng tatlong games na hindi makakalaro ang NBA superstar na si Kevin Durant bunsod nang pagsasailalim sa kanya sa quarantine matapos makasalamuha ang isang COVID positive.
Kanina ay hindi na nakalaro si Durant sa Brooklyn Nets pero nanalo pa rin ang kanyang team nang manguna si Kyrie Irving.
Inaasahang hindi rin makakasipot si Durant sa mga susunod pang laro ng kanyang koponan laban sa Philadelphia 76ers, Memphis Grizzlies at Oklahoma City Thunder habang sumasailalim sa health and safety protocols ng NBA.
Kung maalala noong buwan ng Marso nagpositibo sa COVID-19 si Durant pero agad din naman itong gumaling.
Simula ngayong araw, mas hinigpitan pa ng NBA ang patakaran sa lahat ng mga players at staff sa pagsusuot ng face mask.
