-- Advertisements --
Hindi pa rin makakasama sa team ng Golden State Warriors ang kanilang isa sa superstar na si Kevin Durant sa Game 1 ng Western Conference finals laban sa Portland Trail Blazers dahil sa strained right calf.
Inamin ni Warriors coach Steve Kerr na ang kawalan ni Durant ay bunsod pa rin nang pagpapagaling sa injury.
Una nang dumanas ng injury si Durant sa third quarter ng laro nitong nakalipas na Huwebes kung saan iginupo nila ang Rockets 104-99.
Samantala liban kay Durant, maging ang kanilang center na si DeMarcus Cousins ay inaasahan na ring hindi makakalaro sa conference finals dahil sumasailalim ito sa rehab dulot ng torn left quad.
