Durant, nilinaw na hindi niya sinisi ang Warriors sa paglala ng injury

Pinabulaanan ni NBA star Kevin Durant ang lumabas na balitang sinisisi niya ang dating koponang Golden State Warriors matapos na magtamo ito ng torn Achilles tendon.

Ayon sa two-time NBA Finals Most Valuable Player, desisyon niya ang paglalaro sa Game 5 finals nila ng Toronto Raptors.

Paglilinaw pa ng 30-anyos na forward, walang pressure itong naramdaman para lamang makapaglaro sa finals.

Magugunitang pumirma ng four-year deal na nagkakahalaga ng $164 million si Durant sa Brooklyn Nets.