Duterte, dumalaw sa burol nina PAL Holdings Pres. Lucio Tan Jr., business tycoon John Gokongwei Jr.

Personal na nakiramay si Pangulong Rodrigo Duterte sa pamilya nina business tycoon na si John Gokongwei Jr. at Lucio “Bong” Tan Jr. kagabi.

Bandang alas-11:00 kagabi gabi nang puntahan ni Pangulong Duterte ang burol ni Gokongwei sa Heritage Park sa Taguig City.

Magugunitang pumanaw si Gokongwei Sabado ng gabi sa edad na 93.

Bandang alas-12:30 ng madaling araw, sunod na binisita ni Pangulong Duterte ang burol naman ni Philippine Airlines Holdings President Lucio “Bong” Tan Jr. sa kabilang kwarto.

Pumanaw si Tan sa edad na 53 matapos mag-collapse habang naglalaro ng basketball kahapon.

Kasama ni Pangulong Duterte sa pagbisita sa burol si Sen. Bong Go at Presidential Spokesman Salvador Panelo.