Puspusan umano ngayon ang ginagawa ng National Electrification Administration (NEA) sa pakikipag-ugnayan sa 121 electric cooperatives (EC) sa iba’t ibang dako ng bansa upang masiguro ang stable na power supply sa panahon ng halalan.
Kaugnay nito, tiniyak ng NEA na ang kanilang mga power distributors ay “all set” na sa May 9.
Simula rin daw bukas, May 5, ang mga electric cooperatives ay magsisimula na ng 24-hour power situation monitoring hanggang May 12 o sa pagtatapos ng vote canvassing at pagdedeklara ng mga nanalo.
Inabisuhan na rin ang mga electric cooperatives na magreport ng dalawang beses sa kanilang NEA Power Task Force Election 2022 kaugnay sa power situation sa kanilang mga lugar.
“The ECs are directed to activate their Emergency Restoration Organization (ERO) on 5 May 2022. On the same day at 7:00 am, they shall start the 24-hour Power Situation Monitoring continuing until 12 May 2022 or until the termination or conclusion of the canvassing of votes and proclamation of winning candidates,” bahagi ng statement ng NEA. “With or without power interruptions, the ECs are to submit reports to the respective NEA Power Task Force Election 2022 Power Situation Monitoring Teams twice daily. Major incidents of power interruptions shall be reported immediately and shall be then included in the periodic reporting.”
