Nagkasa ng mga rally sa Maynila at sa iba pang bahagi ng bansa ang mga environmental activist at civil society groups upang ipanawagan ang Global Day of Action for Climate Justice.
Ang isinagawang rally ay inilunsad habang nagtitipon ang mga diplomat, policymakers, experts, at stakeholders sa Dubai para sa 28th Conference of Parties (COP28) sa UN Framework Convention on Climate Change (UNFCCC).
Iniulat ng Philippine Movement for Climate Justice na mahigit 1,000 raliyista ang nagtipon sa Elliptical Road at Commonwealth Avenue sa Quezon City upang ipanawagan ang pagbabago sa sistema ng climate justice.
Nag-post din ang grupo ng mga larawan ng mga kilos-protesta sa Central Luzon, Bicol Region, Eastern Visayas, at iba pang lugar sa buong bansa.
Sa isang pahayag, hinimok ng Power for People Coalition ang mga lider ng Pilipinas na kumilos na upang malabanan ang climate crisis.
