-- Advertisements --
CEBU CITY – Patay na nang matagpuan ang katawan ng isang studyante sa Sitop Banilad Brgy. Tomonoy sa bayan ng Moalboal, Cebu nitong Huwebes ng umaga.
Kinilala ng pulisya sa nasabing bayan ang biktima na si Harriz Nell Olivo, 21-anyos at isang Grade 10 student ng Badian National High School sa kalapit na bayan.
Pinaniwalaan naman ng mga otoridad na pinukpok ng martilyo ang biktima sapagkat nakitaan ito ng mga sugat sa ulo at ang martilyo mismo malapit sa lugar na natagpuan ang katawan nito.
Sa ngayon, wala pang lead ang pulisya sa kung sino ang responsable ng nasabing krimen.
