KORONADAL CITY – Nagresulta sa pagkamatay ng isang estudyante ang nangyaring engkwentro sa pagitan ng mga magkalabang pamilya sa boundary ng Sultan Kudarat at South Cotabato.
Ayon kay P/Maj. Nathaniel Panaguiton, hepe ng Lake Sebu PNP, kinilala ang biktima na si Richard Tulik Tungkay, 19-anyos, estudyante ng Ned Proper National High School at residente ng Brgy. Ned, Lake Sebu, South Cotabato.
Ayon sa imbestigasyon ng mga otoridad, naipit umano sa away ng magkalabang pamilya nasabing biktima boundary ng Barangay Molon, Palimbang at Barangay Ned, Lake Sebu.
Kinabibilangan umano ng pamilya nina Mike Binago alyas Bondie, Tat Tuan, Saliod Adlam “alyas†Alex at iba pang mga kasama ang nasabing engkwentro.
Kaugnay nito, rido ang isa sa mga tinitingnang dahilan ng mga otoridad sa pagkamatay ng biktima.
Sa ngayon, nagpapatuloy pa rin ang isinasagawang imbestigasyon ng mga otoridad.
