-- Advertisements --
CENTRAL MINDANAO – Patay ang isang estudyante sa nangaring pamamaril ng riding in tandem suspects sa Pikit, North Cotabato.
Nakilala ang biktima na si Rasul Salaban, 21, binata at residente ng Brgy Talitay sa bayan ng Pikit.
Ayon sa ulat ng pulisya, papasok na sana ang biktima sa Cotabato Foundation College of Science and Technology (CFCST) sa Brgy Batulawan, Pikit, North Cotabato ng bigla itong barilin ng mga suspek gamit ang kalibre .45 na pistola.
Patay on the spot ang estudyante na tinamaan sa kanyang ulo at dibdib.
Sa ngayon ay nagpapatuloy ang imbestigasyon ng mga otoridad sa motibo at nasa likod nang pagpaslang sa biktima.
