Mismong si Eric Quizon ang nagkumpirma na sumakabilang-buhay na ang dating aktor at isa sa kapatid nito kay “Comedy King” Dolphy.
Walang nabanggit si Eric kung ano ang ikinamatay ng kanyang kuya Edgar pero ayon daw sa anak nito, pneumonia ang ikinamatay ng kanyang ama.
Si Edgar ay isa sa 18 anak ng tinaguriang Hari ng Komedya sa anim na naging karelasyon nito.
Anak siya ni Dolphy o Rodolfo Vera Quízon Sr., sa tunay na buhay, kay Engracita Dominguez.
Si Eric naman ay anak ni Dolphy kay Alice Smith.
Ilan sa mga pelikulang tampok si Edgar ay “Dancing Master,” “Dolphy’s Angels,” “Good Morning Professor,” at “May Pulis, May Pulis sa Ilalim ng Tulay.”
Taong 2012 nang pumanaw si Pidol matapos ang limang taong pakikipaglaban sa chronic obstructive pulmonary disease.
