-- Advertisements --
Itinakbo sa pagamutan ang dating drummer ng Guns N’ Roses na si Steven Adler dahil sa pananaksak sa sarili nito.
Rumesponde ang mga otoridad sa tawag mula sa 911 matapos na madiskubre ng mga kasamahan sa bahay ni Adler ang insidente.
Pagdating ng mga pulisay nakita nila si Adler na may tama ng saksak sa kaniyang tiyan.
Sinasabing dahil sa lango sa ipinagbabawal na gamot si Adler kaya ginawa nito ang insidente.
Ilang dekada na ring lulong umano sa iligal na droga si Adler kung saan siya ay sinibak noon ng Guns N’ Roses.
Taong 2012 nang hinalal siya sa Rock & Roll Hall of Fame kasama ang grupo.
