-- Advertisements --
Inaasahan na may mga bagong pasabog ang Democrats sa kanilang gagawing national convention sa pag-endorso kay dating vice president Joe Biden na pambato nila sa November presidential election.
Gaganapin mamayang alas-9 ng umaga oras sa Pilipinas ang nasabing Democrats National Convention.
Ilan sa naimbintahang magtatalumpati ay sina dating US President Bill Clinton, Rep. Alexandria Ocasio-Cortez ng New York at ang may bahay ni Biden na si Jill.
Isaagawa ni Jill Biden ang kaniyang talumpati sa classroom ng Brandywine High School kung saan ito nagturo mula 1991 hanggang 1993.
Sa virtual convention ay magkakaroon din ng roll-call vote kung saan nagaganap ito sa 57 states at territories.
