Sumakabilang buhay na ang dating guitarist ng bandang Red Hot Chili Peppers na si Jack Sherman sa edad na 64.
Anunsyo ito mismo ng banda sa kanilang social media account.
“We of the RHCP family would like to wish Jack Sherman smooth sailing into the worlds beyond, for he has passed. Jack played on our debut album as well as our first tour of the USA,” saad sa pahayag ng banda sa Twitter.
“He was a unique dude and we thank him for all times good, bad and in between. Peace on the boogie platform.”
Hindi pa ibinubulgar sa ngayon ang sanhi ng kanyang pagpanaw.
Sumapi si Sherman sa alternative rock group noong Disyembre 1983 kung saan ito ang humalili sa founding member na si Hillel Slovak.
Kung maaalala, nakilala ang mga banda sa kanilang hits tulad ng “Under The Bridge” and “Californication”. (BBC)
