Ex-Senator Rodolfo Biazon nasa ICU pa rin dahil sa pneumonia

Nananatiling nasa intensive care unit (ICU) si dating senador Rodolfo Biazon.

Sinabi ni Senate President Juan Miguel Zubiri na patuloy ang pagpapagaling ni Biazon matapos tamaan siya ng pneumonia.

Dahil dito ay nag-alay ng pagdarasal ang senado bago ang kanilang pagbubukas ng session nitong Miyerkules.

Pinasalamatan naman ni Muntinlupa City Mayor Ruffy Biazon ang ginawang pag-alay ng dasal ng mga senador subalit hindi na nito idinetalye ang kalagayan ng kalusugan ng dating senador.