Ex-singer ng bandang Skid Row na si Johnny Solinger pumanaw na, 55

Pumanaw na ang dating lead singer ng bandang Skid Row na si Johnny Solinger sa edad 55.

Naganap ang pagpanaw nito matapos ang isang buwan ng ibunyag niya na siya ay mayroong liver failure.

Gumawa pa ito ng GoFundMe noong nakaraang buwan para makatulong sa kaniyang pagpapagamot.

Taong 1999 ng maging miyembro ito ng banda kung saan pinalitan niya si Sebastian Bach.

Tumagal ito sa banda hanggang 2015 at siya ay pinalitan ng dating TNT singer Tony Harnell.

Kasama siya sa ilang album ng banda gaya ng “Thickskin”, “Revolutions Per MInute”, “United World Rebellion” at “Rise of the Damnation Army”.