-- Advertisements --
ILOILO CITY – Sumuko sa Criminal Investigation and Detection Group (CIDG) Region 6 ang isang expert bomber at mataas na lider ng New People’s Army (NPA).
Ito ay si ‘Ka Alvin’, mula sa Negros Island at senior leader ng NPA regional command armed liquidation squad.
Sa panayam ng Bombo Radyo Iloilo kay PLt. Col. Gervacio Balmaceda, chief ng CIDG Region 6, sinabi nito na bahagi si ‘Ka Alvin’ ng mga ambush at assassination sa Western Visayas kung saan maraming mga napaslang na sibilyan, militar at mga pulis.
Napag-alaman na nagsanay pa si ‘Ka Alvin’ sa Malaysia upang matutunan ang paghawak ng iba’t-ibang armas at paggawa ng pampasabog.
