Tinanggihan ni Pangulong Rodrigo Duterte ang mga panawagan na tanggalin ang pag-obliga na pagsusuot ng face mask kahit sa ilalim ng mas maluwag na antas ng quarantine.
Ayon kay Duterte, ayos lang ang pag-alis ng mga face shield ngunit ang hindi pagsusuot ng mga face mask ay maaaring maging mapanganib lalo na sa mga vulnerable o mahina ang resistensya laban sa mga umuusbong na variant ng COVID-19 (Coronavirus Disease 2019).
Nauna nang sinabi ni Health Secretary Francisco Duque III kay Duterte na ang pinakamababang pamantayan sa kalusugan ng publiko ay maaaring nakatulong din na maiwasan ang iba pang mga non-COVID cases.
Nauna na ring binanggit ng infectious disease expert na si Dr. Rontgene Solante na batay sa mga metric, handa ang Pilipinas na maibaba sa Alert Level 0.
Gayunman, ang pagsusuot ng face mask ay dapat pa ring ipagpatuloy.
