Federer at Nadal may tig-iisang laban bago ang makasaysayang paghaharap sa Wimbledon semis

May tig-iisang laban na lamang sina Roger Federer at Rafael Nadal para sa muli nilang pagharap sa semifinals ng Wimbledon.

Inaabangan kasi ang laban ng dalawa na unang nagharap noong 2008 na itinuturing bilang greatest tennis match.

Maaaring matuloy ang laban ng dalawa kapag manalo sila sa kaniya-kaniyang laban sa quarterfinals.

Makakaharap kasi ni Federer si Japanese tennis star Kei Nishikori habang makakalaban naman ni Nadal si Sam Querrey.

Magugunitang umabot sa four hours, 48 minutes ang laban ng dalawa noong 2008 finals ng putulin ni Nadal ang limang-taon na pamamayagpag sa Wimbledon ng Swiss tennis star.