Nakatakdang isubasta ni tennis star Roger Federer ang ilang mga personal na gamit nito.
Sinabi ng 20-times Grand Slam champion na bukod sa mga ginamit nito sa tennis ay mabibili rin ng kaniyang mga fans ang ilang personal na gamit nito.
Gaganapin ang live auction sa Hunyo 23 na mayroon lamang 20 lots.
Inaasahan na aabot ng hanggang $97,200 na mabibili ang nasabing mga gamit ng Swiss tennis star.
Ilan sa mga mabibili ay ang tennis racket nito na ginamit noong 2009 French Open final ng talunin niya si Robin Soderling.
Sinabi ni Federer na bawat mga gamit na ibebenta ay sumasalamin sa kaniyang tennis career at nais niyang ibahagi ito sa kaniyang fans sa buong mundo.
Ayon naman sa Christies auction na maaaring mabili sa aabot sa $2.08 milyon ang halaga ng mga gamit ni Federer.
