Fiancee ni Andrew Schimmer na si Jho Rovero pumanaw na

Labis ang pagluluksa ng actor na si Andrew Schimmer matapos ang pagpanaw ng fiancee na si Jho Rovero matapos ang matagal na pananatili sa ospital.

Sa kaniyang social media ay inanunsiyo nito ang malungkot na balita.

Nagpost ito ng larawan nilang dalawa na may suot na wedding ring.

Noong nakaraang taon ay na-coma si Rovero dahil sa kumplikasyon sa severe asthma, cardiac arrest ganun din ang hypoxemia o ang pagkakaroon ng below-normal oxygen levels sa arteries.

Kasalukuyan aniya itong nasa taping ng show ng tawagan siya ng doctor at ipinamalita na biglang nawala ang BP niya kaya mabilis itong bumalik sa St. Luke’s Hospital sa Bonifacio Global City.

May dalawang anak na sila at mula noon ay patuloy ang paghingi nito ng pagdarasal sa mga fans.