Mistulang ngayon pa lamang handang mag-move on ang Fil-German model na si Clint Bondad sa hiwalayan nila ni 2018 Miss Universe Catriona Magnayon Gray.
Ito’y kasabay ng bagong rebelasyon na siya ang dahilan kung bakit nauwi sa hiwalayan ang 6 year relationship nila ng 25-year-old Fil-Australian beauty.
Sa bagong online post nito, sinabi ng 24-year-old model na umikot ang mundo niya kay Cat at nakalimutan na mayroon din silang personal na buhay na kailangan i-prioritize.
“Love truly can make you blind sometimes and make you do dumb stuff… No matter how smart you think you are. I felt like I had to do things that Cat never asked me to do and stopped things that I loved doing and pursuing and even started feeling guilty for simply enjoying life. I ended up completely draining myself and became so exhausted that at the end there was little left of who I once was,” bahagi ng post nito.
Dagdag nito, “But if Cat did anything then it’s save me from myself. I am truly the only one who can be blamed for anything and everything. I failed, because the control was always with me all along. I just realized it too late.”
Nabatid na noong nakaraang linggo pa nang aminin ng Bicolana beauty queen na mas pinipili nito ang Miss Universe crown at nais maging single sa kanyang one year reign.
“Truthfully, this will make things so much easier for both of us professionally. I agree with everything that was mentioned in the interview (with Boy Abunda). I am just personally closing this chapter of our lives because it has become more practical to clear things up instead of having people approach me like zombies with puppy eyes or letting certain questions linger around for too long…”
Ibinunyag naman ni Clint na opisyal na natapos ang kanilang love story pagkatapos din ng coronation noong December 2018 sa Thailand, kung saan siya ay personal pang nanood.
“But we didn’t make it official in private until after the coronation. However it was actually me who eventually and actively pushed to make it official.”
Samantala, tahimik lamang si Gray matapos ang latest homecoming event nito sa HIV testing nitong weekend.
Gayunman, babalik ito sa Indonesia kasama ang Miss Universe Organization para sa grand coronation night ng 2019 Puteri Indonesia sa darating na March 8.
