Kinilala ang Sweden-based Pinay na si Princess Rosery Cabotaje matapos itong maging isa sa mga Top 3 finalists ng Coimbra Group 3-Minute Thesis Live Competition 2024 na ginanap sa Turku, Finland.
Ang award-winning thesis ng 4th year PHD chemistry student ay tumatalakay sa hydrogenases o paggamit sa hydrogen bilang alternative na sanhi ng energy upang tugunan ang climate crisis.
Sa exclusive interview ng Star FM Manila kay Princess, isang malaking karangalan umano ang maging bahagi ng patimpalak, na nilahukan ng daan-daang scholars sa Europe.
Ayon pa sa 29-year-old scientist mula Uppsala University, inspirasyon at motibasyon nito sa pag-aaral ng chemistry ang kanyang kagustuhan na makatuklas pa ng mga bagay na maaaring makatulong sa ating mundo.
“Probably my desire to just be in a situation where I can observe things that are not seen before. And, for me to see something that has never been seen before. I feel like if that is something that could make the world a better place, then that motivates me to keep on going as well.”
Inuwi naman ng Pinay ang 1,500 euros o halos 100 thousand pesos mula sa kompetisyon.
May mensahe naman si Princess sa mga batang Pilipino na nais ring maging scientist o kaya’y gustong maging bahagi ng industriya.
“First of all, I think you just need to have fun with what you’re doing. Huwag masyadong stress. I think if you really think that you want to do this then everything else will follow. Have fun, and number two, keep on learning. You need to learn from mentors. You need to learn from other people. Keep an open mind. You have to take it as constructive feedback because the goal naman of your friends and family to give you feedback is for you to improve. Just take it easy on yourself.”
