Filipino-Japanese Judoka Kiyomi Watanabe hindi makakasama sa 31st SEA Games

Hindi makakasama si Filipino-Japanese judoka Kiyomi Watanabe sa darating na 31st Southeast Asian Games sa Hanoi Vietnam.

Sinabi ni Philippine Judo Federation secretary-general Dave Carter na hindi pa gaanong gumaling si Watanabe mula sa kaniyang injury.

Dagdag pa nito na patuloy ang paggaling ng 25-anyos na Japan-based judoka mula sa anterior cruciate ligament (ACL injury) na kaniyang natamo dahil sa ilang taong training.

Nangunguna kasi si Watanabe sa 63 kg. division ng women’s biennial meet kung saan mula pa noong 2013 SEA Games sa Myanmar ay nakapag-uwi na ito ng gold medals.

Tiniyak din ni Carter na sasabak si Watanabe sa ASIAD sa Hangzhou, China na gaganapin sa buwan ng Setyembre.