-- Advertisements --
Muli na namang nabigo ang footbal great na si Lionel Messi na mabigyan ng international honor ang Argentina matapos biguin sila ng mahigpit na karibal na Brazil, 2-0.
Dahil dito pasok na sa South America’s biggest competition na Copa America final ang host Brazil.
Naging bayani sa panalo ng Brazil ang naipasok na goals nina Gabriel Jesus at Roberto Firmino.
Haharapin ng Brazil sa finals sa Linggo ang sinumang mananalo sa laro sa semi-final game sa pagitan ng dating kampeon na Chile at Peru.
May tiyansa sanang makabawi ang Argentina pero sumablay at naharap ang mga tira nina Sergio Aguero at Messi.
Noong 2007 Copa final, tinalo rin ng Brazil ang Argentina, 3-0.
