Maaari nang magpakita ng mga negatibong resulta ng antigen na nakabatay sa laboratoryo para sa pagpasok sa Pilipinas ang mga foreign nationals at returning Filipinos habang pinaluwag ng gobyerno ang mga paghihigpit upang higit na buksan ang ekonomiya ng bansa.
Sinabi ni acting deputy presidential spokesperson Michel Ablan na dati nang hinihiling ng Pilipinas sa mga inbound travelers na magpakita ng mga negatibong resulta para sa mga pagsusuri sa RT-PCR na kinuha sa loob ng 48 oras.
Dapat aniyang kunin ang antigen test 24 oras bago dumating sa Pilipinas.
Idinagdag ni Ablan na ang mga may hawak ng passport ng Hong Kong o Macau ay pinapayagang bumiyahe nang walang visa sa Pilipinas para sa pananatili nang hindi hihigit sa 14 na araw.
Para sa isang pananatili ng mas mahaba kaysa sa 14 na araw, maaari silang mag-aplay para sa visa sa alinmang Embahada o Konsulado ng Pilipinas.
Igagalang din ng Pilipinas ang vaccination certificates ng Croatia, Cyprus, at Nepal para sa entry protocols.
Ito ay higit pa sa iba pang territories na ang mga COVID-19 certificate ay naunang inaprubahan ng COVID-19 task force.
Ang Pilipinas noong Pebrero ay muling nagbukas sa fully vaccinated na mga dayuhang turista mula sa humigit-kumulang 150 bansa na may visa-free arrangement sa Pilipinas.
Nauna ng sinabi ng Department of Tourism na umaasa ang bansa na malugod na tatanggapin ang lahat ng mga foreign travelers sa Abril.
