Pinalawig na ng Department of Tourism ang libreng accreditation para sa mga tourism establishments sa Pilipinas.
Sa isang pahayag, sinabi ng departamento na pinalawig nito ang bisa ng Memorandum Circular (MC) 2022-001, na nag-aalis ng accreditation fees para sa mga negosyo para sa turismo.
Ang Department of Tourism Memorandum Circular 2022-001, na kilala rin bilang ang Revised Interim Guidelines Governing Applications for Accreditation During the State of Calamity Due to COVID-19, ay batay sa Presidential Proclamation No. 57 series of 2022 na makabuluhang pinalawig ang tagal ng sakuna sa bansa hanggang sa December 31, 2022.
Ayon kay Tourism Secretary Christina Frasco, habang natapos na ang nasabing proklamasyon, naiintindihan umano ng departamento ang pangangailangan na magpatuloy ang mga hakbang na susuporta sa mga stakeholder sa kanilang proseso ng pagbawi sa kita dahil sa epekto ng pandemya ng Covid19.
Sa ilalim nito, ang pag-aaral ng mga dokumentasyong kailangan para sa accreditation gayundin ang pagsasagawa ng virtual inspections ay kabilang sa mga puntong inihanay ng Department of Tourism sa Inter-Agency Task Force for the Management of Emerging Infectious Diseases ng pambansang pamahalaan.
Gayunpaman, umaasa ang naturang departamento na ipagpatuloy nito ang pagtanggap ng mga bagong Star Rating at Premium Accreditation na aplikasyon, na itinigil sa ilalim ng Section 6 ng Memorandum Circular.
Sa ngayon, pinayuhan ng Tourism department ang mga negosyong may expiration sa basic registration na mag-apply na lamang para sa regular accreditation upang mananatili ang kanilang operasyon sa kanilang mga negosyo.
