Patay ang French actor na si Gaspard Ulliel matapos na maaksidente habang nag-ice ski.
Base sa imbestigasyon ng mga otoridad, habang nag-skiing ang 37-anyos na actor sa Savoie region ay bumangga ito sa kapwa niya skier.
Nagtamo ito ng sugat at brain trauma kaya isinakay siya sa helicopter at dinala sa pagamutan ng Grenoble.
Matapos ang isang araw ay pumanaw na ito.
Nagsasagawa na rin ng imbestigasyon ang mga otoridad matapos na walang natamong sugat ang nabangga nitong skier.
Nangyari ang kamatayan nito isang araw matapos na ipalabas ang trailer ng kaniyang pagbibidahan nitong TV series na “Moon Knight”.
Isa sa kilalang actor sa France si Uliel na bumida sa pelikulang “Only the End of the World and Saint Laurent” ang biopic ng kilalang fashion designer ng France kung saan nagwagi ito ng best actor sa CESAR ang katapat ng Oscar.
Sa edad pa lamang na 11 ay lumabas na ito sa pelikulang “Hannibal Rising” noong 2007.
May isa itong anak na lalaki sa nobyang model at singer na si Gaëlle Piétri.
