-- Advertisements --
Inanunsiyo ni France football captain Kylian Mbappe na hindi ito magrerepresenta ng kanilang bansa sa Paris Olympics.
Sinabi nito na naging mahigpit ang kaniyang football club na sinalihan kaya pinagbawalan siyang lumahok sa Paris Olympics.
Kakapirma lamang kasi ng 25-anyos football player sa Real Madrid at siya ang lalahok sa European champions sa bagong season sa ilalim ng freedom of contract mula sa Paris Saint-Germain.
Magsisimula kasi ang men’s Olympics football tournament sa Hulyo 24 kung saan ang finals ay sa Agosto 9.
Habang ang Spanish season ay magsisimula pagkatapos ng isang linggo kung saan makakaharap ng Madrid ang Atalanta football club sa UEFA Super Cup sa Warsaw sa darating na Agosto 14.
