May ipinalit na si French President Emmanuel Macron sa nagbitiw na si Prime Minister Edouard Philippe.
Ito ay sa katauhan ni centre-right mayor Jean Castex.
Hinirang ni French President Emmanuel Macron si centre-right mayor Jean Castex bilang bagong Prime Minister.
Ito ay matapos na magbitiw sa puwesto si Edouard Philippe matapos ang tatlong taon na panunungkulan.
Ang 55-anyos na si Castex ay hindi gaanong kilala sa France na isang senior civil servant.
Naging malaki ang papel nito sa pagtugon ng gobyerno sa COVID-19 pandemic.
Nangako si Macron na patungo na sa tamang daan ang kaniyang gobyerno.
Inaasahan na rin ang mga ipapatupad na reshuffle sa gobyerno ni Macron at normal na practice na sa pangulo ng France na magpalit ng kaniyang prime minister sa kaniyang limang taon na panunungkulan.
