Fuel Master, tuloy ang pag-arangkada matapos makuha ang ika-5 sunod na panalo kontra Converge, 99-98

Tuloy-tuloy ang pag-arangkada ng Phoenix Fuel Master sa kanilang kampanya sa PBA Commisioner’s Cup matapos maibulsa ang panalo kontra sa Converge.

Kumamada ang kanilang import na si Johnathan Williams ng 27 markers, 16 boards, 6 assists, 2 steals at 2 blocks habang may 20 at 12 points sina Jason Perkins at rookie Ricci Rivero, ayon sa pagkakasunod.

Samantala nagpasabog ng 35 points si Tom Vodanovich para sa FiberXers ngunit hindi ito sapat upang malusutan ang Fuel Master.

Nalusutan ni rookie Ken Tuffin ang depensa ng Converge kung saan nag resulta ng kanyang game winning basket sa huling 5.1 segundo upang makuha ang panalo.

Solo na ngayon ng Phoenix ang second spot habang ang Converge ay kulelat pa rin sa team standings.