-- Advertisements --
Nagtapos lamang ng hanggang bronze medal si Josie Gabuco matapos na mabigo ito sa semifinals ng ASBC Asian Elite Men and Women’s Boxing Championship na ginanap sa Dubai.
Hindi umubra ang mga suntok ni Pinay boxer kay Gulasal Sultonalieva ng Uzbekistan.
Malaki pa ang pag-asa ng bansa na makakuha ng gold medal ito ay sa pamamagitan nina Olympic-bound Eumir Marcial para sa middlewieght, Junmilardo Ogayre para bantamweight at Mark Lester Durens para sa light flyweight division.
Makakaharap ni Marcial si Jafarov Saidjamshid ng Uzbekistan sa semifinals habang tatapatan naman ni Durens si Daniyal Sabit ng Kazakhstan at makakasagupa ni Ogayre si Mirazizbek Mirzahalilov ng Uzbekistan.
