DAGUPAN CITY – Tiniyak ng Department of Education (DepEd) Region 1 na “all systems go” na ang lahat para sa nalalapit na pag-uumpisa ng Region 1 Athletic Association (R1AA) meet sa Marso 6 sa Laoag City, Ilocos Norte.
Ito ang nabatid sa exclusive interview ng Bombo Radyo Dagupan sa pinuno ng Education Support Services Division ng DepEd-1 at Technical Director ng R1AA 2019 na si Edil Abalos.
Giit ni Abalos, wala namang mga naging malaking pagbabago pagbabago sa kanilang preparasyon, gayundin sa mga billeting centers na gagamitin ng mga delegates hanggang matapos ang naturang palaro.
Ito’y kahit pa naantala ang pagsisimula nito na dapat sana ay nitong Marso 3 pa nagsimula subalit nalipat ng Marso 6.
Sa ngayon ay masasabi umano nila na 99 percent ng handa ang buong Deped Region 1 sa pagsisimula ng R1AA meet ngayong taon.
