-- Advertisements --
Kinondina ni US President Donald Trump ang racism, hatred at white supremacy.
Ito ang laman ng kaniyang talumpati matapos ang naganap na mass shooting sa Texas at Ohio na ikinasawi ng 29 katao.
Nanawagan din ito ng mental health gun control reforms at ang pagtatapos ng pamamayagpag ng mga kaguluhan sa pangkahalatan.
Nanindigan ito na hindi baril ang nakakamatay at sa halip ay ang mental health at poot.
Hindi naman nito ipinahayag ang suporta para sa gun control na iminumungkahi ng ilang kongresista sa Amerika.
Inatasan din nito ang mga otoridad na sapilitang kunin ang mga baril mula sa indibidwal na nagiging banta sa sariling buhay nito at sa ibang tao.
